--------------< && ليت ربي ما كتب لحظة وداع && >--------------

[مدموزيل لافوشيا]

بسمـــــه تعالى

هذي اول قصصي الا اعرضها على الملأ..
اتمنى تعجبكم..
واذا شفت منكم ردود وتواصل راح اكملها ..

اتمنى ما تخيبوني

><البارت الاول><

ركضت ملاك الى امها وهي فزعه وكانت امها تصلي

ام محمد:الله يغربل بليسج خرعتيني شبلاج يمه
ملاك:لحقي عليي يمه نورة مسكرة عليها باب الحمام مب راضيه تفتحه..
ام محمد:لا حول ولا قوة الا بالله
ويهمون بالذهاب الى نورة التي اقفلت عليها باب الحمام وهذي المحاوله ليست الاولى..

لقد بدأت مأساه نورة من كبرت اختها الصغرى ملاك وكانت حقاًَ ملاك
ملاك فتاه بقمه الجمال يشهد لها الجميع..عينين واسعتين وعسليه وفم صغير ممتلئ كالبندق وخدودها متشربه الحمرة وغمازات واضحه((نسميهم خاتم النبي)) وقوام كالغزال وكانت تجذب كل عين تراها
عكس اختها نورة التي اكتسبت سمحه ابيها ..كانت ملامحها بسيطه جداَ
كانت العيون دوماً ترقب ملاك ومنذ بدايه خطواتها الصغيرة الى ان كبرت..

ام محمد:افتحي الباب
نورة:خليني يايمه براحتي
ام محمد:فهميني شصاير بس هميتيني عليج
نورة:بطلع الحين بس انتي روحي عني خليني براحتي..
ملاك:ريحي امي واطلعي ..
نورة:انتي سبب كل المشاكل اصلاً شتبين مني انتي بعد..
ام محمد:هذي اختج الصغيرة ودومها قلبها عليج شلون بتصير سبب المشاكل
نورة:اذا ما رحتوا ما بطلع
ام محمد كاني بروح

ظهرت نورة من الحمام وعينيها متورمتين من البكاء...وذهبت الى غرفتها قبل أن يلحظها احد..

قبل ما نروح لبيت ابو عادل بعرفكم على اهل بيت ام محمد..

ابو محمد((راشد)) عنده شركه ومتزوج حرمتين زوجته ام محمد والفلبينيه الي كانت خدامتهم وهو دوم معاها بالفلبين ..
ومحمد اكبر عيالهم وعمره 24 سنه يشتغل في شركه اتصالات..وخالد 22 سنه يدرس بره ونورة 19 سنه وهي متخرجه وما طاعت تدخل الجامعه وملاك 17 سنه
******
في بيت ابو حمد الخال ((اخ ام محمد))
ابو حمد عنده 3 بنات وولد
حمد الكبير وعمره 25 ويشتغل بشركه ابوه وهو وسيم وايد عيونه فيها رموش كثيفه فلي يشوفه كانها مكحله وابيض وطويل غاوي يشد كل من يشوفه..وبعدين شيماء 23 وهي مدرسه فن وملامحها طفوليه ومريحه وتشبه اخوها حمد .. ميثه 15 سنه شبه امها المرحومه جيي يسمونها شبيهه موضي لان امها اسمها موضي اوالصغيرة مريم عمرها سنتين.
عادل((ابو حمد)):
يالله ياعيالي بنروح خالتكم ام محمد
ميثه:يبه فزعتنا من الصبح واحنا بنطلع بعد صلاه الظهر
شيماء:لان عارف أنتي ما بتظهري الا عقب ساعات كالعاده دوم تأخرينا..
ميثه: بس بس لا تحشرينا
شيماء وهي واضعه يديها على فمها علامه السكوت..
ابو حمد وهو حامل طفلته الصغيرة بيديه وهي تبكي
شيماء:يبه عطني مريوم عنك بأكلها حتى تسكت يمكن يوعانه..
وابو حمد ماد يديه لشيماء وهو يقول بخاطرها وينج يا ام حمد رحتي عنا وتركتينا بهالدنيا واذا بدمعه خانته و سقطت من عينيه دون ان يشعر
شيماء:ادع لها بالرحمه يبه
ابتسم ابو حمد لشيماء وهو قائل:الله يرحمها..الا اخوانج وينهم؟؟ما اسمع حسهم
شيماء:ظهروا من الصبح قالوا بيردون بعد صلاه الظهر.
ميثه بصوت عالي:يااهل البيت ما تبون فطور؟؟تراني يوعانه
ابتسم الاب على اسلوب ابنته وجلسوا جميعهم للفطور..
شيماء:يبه خاطرنا نسافر هالسنه ..صار لنا سنتين
ميثه وهي مقاطعه اختها:اي يبه ترانا ملينا جلسه البيت نبي نظهر شوي
ابو حمد:ان شاء الله بنروح العمرة اسبوع وبعدين نروح اي مكان تبونه
ميثه+شيماء:الله لا يحرمنا منك ابد يا احلى اب في الدنيا..
ميثه وهي تبوس ابوها:فديتك يالغالي والله وهي سايرة..
ابو حمد:وين وين ما كليتي..
ميثه:يبه من فرحتي شبعت..
ضحك ابو حمد وشيماء..شافتهم مريم يضحكون ضحكت..
شيماء : ايي عليج .. عسى ضحكتج دوم يالحلوة وتبوسها

نعود الآن الى بيت ام محم ((ام ملاك ونورة)) للتذكير فقط..

ملاك دخلت على صوت امها في المطبخ..

ملاك:يمه شصاير..اشوفكم مرتبشين..
ام محمد:اي يالغاليه.. اخوي بو حمد ياينا على الغدا اليوم ..
ملاك والفرحه لا تسعها:صج يمه..
ام محمد وهي تمسك اذن بنتها:ليش كل هالفرحه..
ملاك ووجها احمر خجلاً: يمممممممممه..هذا بيت خالي ما تبيني افرح لزيارتهم
ام محمد وهي تضحك:افرحي افرحي وانا كم ملوك عندي
ملاك:فديت هالضحكه ..
محمد وهو داخل عليهم:وانا من يتفداني؟
ام محمد:افديك وافدي روحك يالغالي
محمد وهو يبوس راسها :فديت الا يتفدوني مو هالنسرة الا مسمينها ملاك
ملاك وهي مطلعه لسانها: احلى منك
محمد:وهو يقلد صوتها ((احلى منك)) شنو احلى مني ..انا ولد ابوي مافي شراتي
حقاً ان محمد غاوي((وسيم)) وايد ..اسمر وطويل وعيونه وسيعه وذباحه وهو مغرور وايد لكنه وحنون
ملاك: لا تصدق عمرك..مدري من الا يمدحك زور وانت تصدقه
محمد:روحي روحي لا اطقج بس
ملاك:تخسي..انا ملاك بنت امي وابوي ما تطقني..
ام محمد واهي تطعم ولدها بيديها بعض قطع الحلوى.. خلها عنك تراها لسانها طويل
محمد:يبي له قص
ملاك وهي مطلعه لسانها وسايرة عنهم..
محمد:محد بيبعدني عنج ان مسكتج
ملاك:اذا صدتني واهي تضحك
محمد وهو ملتفت لامه:صج يمه شصاير اليوم.. اشوفج محتشرة بالمطبخ.. من بيزورنا
ام محمد وهي تداري الاكل :خالك وضاح
محمد:وانا اقول هالاكل والزين والحلا مب لنا ..الا اخوها بيزورنا..
ام محمد:اذا ما سويت هالشي لاخوي اسويه لمن..
محمد:افا يمه وانا ما املي عيونج..
ام محمد:الله لا يخليني منك..
محمد وهو يسحب خدود امه:فديتج يمه..
ام محمد مسويه روحها معصبه:شنو اصغر عيالك تسحب اخدودي..فارج عني يالله
محمد وهو يضحك ويعرف ان امه مستحيل تزعل منه او تعصب عليه لانها دوم تقول محمد حشاشه يوفي مستحيل ازعل عليه يوم..لان اهي ما انجبت الا عقب سنين من الزواج اي متاخر
محمد:الا وين نورة ما اشوفها
ام محمد وهي تتنهد: نورة.. تلاقيها بغرفتها حابسه عمرها
محمد:بروح لها
ام محمد:روح شوف شصاير فيها..عسى الله يرحمك دنيا وآخرة
محمد طالعه المطبخ وبيده الماي وكانت ملاك تطالع التلفزيون ..
ويكب الماي على راسها..
ملاك وهي تصرخ:الله ياخذك خرستني ..بشكيك عند امايي
محمد وهو يضحك.:تحملي ما ياج ..وهذي البدايه
ملاك وهي معصبه:الله يستر من تاليها..بس انا ما بسوي لك شي لان ما ابي اخرب فرحتي اليوم..
محمد وهو يغمز لها : ياحظك ياحمد يحبونك وانت بعالم ثاني
ملاك وهي خجلى ومعصبه بآن واحد: محمد حل عن سماي..
ملاك تحب حمد ..تموت فيه مو بس تحبه من يوم هم صغار ..وحمد ماهو بداري بهواها واهي تقول انا مستحيل اصارحه بحبي لين يبتدأ اهو ويصرح لها..
محمد وهو يطرق باب غرفه نورة..
نورة بصوت مبحوح: نعم.. شتبون ..آبي انام
محمد:انا محمد
نورة:محمد.. وتركض تفتح الباب له
محمد من شاف عيونها متورمه من البكاء.. لوى عليها
نورة زادت من البكاء
محمد:شفيج ياروح محمد تصيحين
نورة:مافيني شي محمد..بس
محمد:بس شنو؟؟شنو هالشي الا يخلي دموعج الغاليه تطيح..
نورة: تبي تغير الموضوع:تدري انا شكثر حساسه ..وكنت اقرأ قصه وبكتني
محمد:انا بلم عنج كل هالكتب..تراج متعبه عمرج وايد..هذي كتب ..قصص..اقلام ليست واقع..
نورة:والواقع شيختلف عنه
محمد:الواقع ان احنا لازم نضحك عشان الدنيا تضحك لنا
نورة وهي مبتسمه:تدري لو ما انت بهالدنيا ما ادري شبيصير فيني
محمد وهو يمسح دموعها بيديه:شوفي شحلاتج وانتي مبتسمه
نورة احست بسكين تطعنها:ادري انت تجاملني..انا وين والجمال وين..
محمد:انتي اجمل من الجمال نفسه..الا ما قليتي لي من الي راسم هالرسمه الحلوة..
نورة وبحماس:هذي الرسمه اهدتني اياها شيماء بنت خالي

محمد:ماشاء الله عليها رسامه ..تصدقين صار لي من وفاه زوجه خالي الله يرحمها ما شفتهم..
بس اليوم
نورة:شنو اليوم؟؟
محمد: مادريتي اليوم بييون عندنا
نورة :والله ..عيل اظهر من داري خلني اتزهب لييتهم
محمد:تطرديني..
نورة:اي اي اظهر واهي تسحبه للخارج
ورمت بجسدها على سريرها واهي تضحك
حمد بيزورنا اليوم..ياويل حالي..
واخذت تسرح في عالمها الخيالي وامسكت دفترها الوردي الذي تكتب كل ما يجول بخاطرها..

دفتري العزيز..
يامن لا يمل من احزاني ..ومن شهد اقسى أيامي وتبللت اوراقه دموعي ونبتت فيه جروحي..
اليوم احسه غير كل يوم..
اليوم سيضوي قمرنا..بيضوي بدر العايله..
وسيضوي قلبي الصغير معه..
لكن..
هل سيراني؟؟هل سيلمحني..
مع وجود اختي الملاك((الملاك المظلم بالنسبه لي )) سيلمحني..
واغورقت دموع نورة الا انها تمساكت ..
واغلقت دفترها وجلست على الكرسي تسرح شعرها وغيرت ثيابها ونزلت جلست مع اختها ملاك

وللقصه بقيه

ولكم اعطر تحياتي

[ضعيف اللي طاح عليه المكيف]

اول اقولك وين باقي القصه لا تطولين علينا
كذا بتخلينا نتشوق للباقي
وبعدين ابي اقولك فيه ناس ما تفتم هالكلامت

بليسج

شبلاج
يعني لو تخلينها
بليسك
و
اشبلاك
لان فيه ناس هنا ما تفهم هاللهجه

ولا تطولين علينا في باقي الحكايه

تحياتي

[أم العكاريش]

ايه والله لا تشوقينا

ترى بسرعة نندمج

ننتظر الباقي


تحياتي

عكروووشة المندمجة

[رورو]

الله يعطيج العااافيه بسررررررررعه تبي الباقي


رورو

[مدموزيل لافوشيا]

بسمه تعالى..

اشكركم رورو وام العكاريش وضعيف

والله يخليكم ولا يحرمني من تواصلكم

وبكرا راح احط البارت الثاني..

بحاول يكون باللهجه الا تقول عنها..

[سنابسي]

يسلموو ع القصة
وننتظر البقية
لاتخلي لنا حماس وايد
لاتطولي في تنزيلها
تشااو

[مروووش]

صراحه قصه في قمة الرووعه

إبداع يا مدموزيل لافوشيا

تسلم لي هالأنامل الحلوه اللي جلست وكتبتها

يالله ننتظر منك الجزء الثاني

ننتظر جديدك

:0059:

تحياتي .....

[كل الغلا]

مجموزيل لافوشيا منسوي لك استدعاء الحين

وينك تعالي كملي القصه ترانا متشوقين

العجل العجل

[مدموزيل لافوشيا]

بسمــ جامعــ القلوبــ

سنبوســ & مرقدوشــ & كل الغلا

سلمتمــ لتواجدكمــ مع صفحتيــ الحرة..

ولا عدمنيــ منــ توصلكمــ

البارت الثاني


مرت عده ساعات قليله ولم يبق شيئ على وصول بيت ابو حمد وعياله..
وماهي الا دقائق الا صوت الجرس معلناً قدومهم..
ملاك:سونيا..افتحي الباب.. لو ما تسمعين..مسويه عمرج صمخه
سونيا:انزين بابا بس لا يسوي جنجال ..انا احين يفتح الباب
ملاك:جنجال بعينج افتحي الباب يالله
ركبت ملاك لغرفتها ولبست شيلتها ورت على نورة وخبرتها ان بيت خالها وصلوا
نزلوا ثنتينهم وكان بيت خالها بالصاله
ملاك:ياهلا بلي لفانا ..ياهلا بخالي الغالي..
نورة واهي تساسر ملاك:استحي ترانا مب متعودين وايد على خالي
ملاك قربت من خالها دون اهتمام لنورة وباسته على راسه
ابو حمد:ماشاء الله ياملاك كبرتي وحلويتي ..صرتي غاويه..
ملاك وهي فرحانه من داخلها لان كان الاطراء بحضور حمد ووجها تورد خجل..سلمت خالي..بعيونك الحلوة..
وراحت سلمت على ميثه وشيماء ويلست يمهم وسلمت على حمد
ونورة سلمت على خالها وبنات خالها وقعدت بعيد عنهم قليلاً
كالعاده سلبت ملاك المجلس بسوالفها وحركاتها العفويه التي تجذب..
حمد:نورة..قربي يمنا ليش يالسه بعيد عنا..
نورة نزلت راسها وهي مستحيه:طوعك ولد خالي وقربت منهم..
شاف حمد نورة هادئه حاول ان يدخلها بجو الحديث..
حمد:نورة ما قلتي لي شعلوم الدراسه..؟؟
نورة واحست بحرج..هل تقول له انها فاشله..لم تكمل علومها..
وردت بهدوء بالكاد حمد يسمع صوته
كل شيئ تمام
ميثه:بس نورة انتي وقفتي من خلصتي الثانوي صح
نورة:اي وصلت للثانوي وقعدت بالبيت اساعد امي..
ميثه:تساعدين امج..عيل الخدامات الا عندكم شيسووون.. مب كلام هذا ..الدراسه اهم شي يانورة
حمد:صح كلامج ميثووو
ميثه:ميثووو بعينك..
شيماء احست بحرج نورة:نورة قومي نروح دارج..وريني آخر كتابتج..ماتدرون ان نورة كاتبه ...
حمد:زين والله ..ظهر احد من العايله كاتب عندنا..ورينا كتابتج يانورة..
ملاك :انا اختها ولا مرة ورتني شي من الا تكتبه
شيماء ساحبه يد نورة وظهروا
حمد:وانتي ياملاك شعلوم الدراسه..
ميثه:عاد ملاك مافي احد يوازيها بالدراسه..
الا بدخول محمد..
محمد:هلا بلي نوروا بيتنا..ياهلا بلي ريحته تعطر البيت
ابو محمد:اخيراً شفنا ريال بالميلس يداريني..
ضحك الجميع على كلام ابو حمد
حمد وهو نافخ صدره:افا يبه وانا وين رحت
ابو حمد وهو يحاول يغايض ولده حمد :انا مليت من ويهك
قرب قرب محمد يمي
وتعالت السوالف بين الجميع..
في غرفه نورة
نورة:اليوم اخوي محمد سالني عن رسمتج وقال لي انج رسامه
شيماء:صحيح والله...
واخذتها ذكرياتها الى 5 سنوات راحت
ضاوي:وريني الدفتر شيووووم
واهي تركض بالمزرعه..
ما بوريك شي وخر عني
ضاوي يركض وراها الى ان مسك الدفتر..
ابي اعرف ليش ما تبين توريني الدفتر
شيماء ودموعها تتساقط:دفتري وما ابي احد يشوفه
ضاوي:بس انا مو اي احد
شيماء:وغلاتي رد لي الدفتر
ضاوي:ما برده..وفتح رأى ان جميع الرسومات ..كانت تعنيه..
وجهه..عينيه..هو مبتسم..هو يضحك..وهو صامت..
ضاوي:هذا انا..
شيماء وتتمنى ان الارض ان تبلعها..
مو انت
ضاوي:يشبهني وايد وهو يضحك انتي رسامه بارعه ياشيماء..حتى غمزاتي رسمتيها واضحه .. تحبيني شيماء..
ركضت شيماء الى بيت المزرعه ودموعها تتساقط من الموقف
نورة:حوووووووو وين سرتي بخيالج شيماء..
انتبهت شيماء انها غدت بخيالها.. معاج معاج ..صح كلامج..
ضحكت نورة ضحكه عاليه ..وهي تقول:انا كنت اسالج شرايج نروح المول وانتي تقولي معاي..لا انتي يالحلوة مو معاي..
شيماء واهي ترمي الموسده نورة بس عاد لازم تحرجيني وضحكوا ثنتينهم
نروح لعائله ضاوي..
ضاوي يعيش مع جديه بعد وفاه ابويه بحادث يوم كان عمره 5 سنوات...
اليده(حبابه):ولدي قوم ودني دار خالتك ام محمد..اليوم خالك بيظهر عندها
ضاوي:يدتي آنتي تآمري آمر وانا كم يدوو عندي..
اليد:حبابه ترا المحبه كلها مو لج..بس لان عارف ان شيماء هناك موجوده..
ضاوي وهو منزل راسه بخجل:يدي
اليده وهي تضحك:ضاوي لا تصير شرات البنات
ضاوي:يدووو انا خجول
اليد:الا يستحي ما اييب عيال
ضاوي:يدي انت تشوف حذالي عيال ؟؟ يعني للحين خجول
ضحكت اليده وقالت ترا ضاوي ما ينغلب بالكلام..لسانه طويل
اليد وهو ممتعض:تربيتج ياحبابه بنت عبد الله
اليده:شفيها تربيتي ؟؟مب عايبتك؟؟ والله ربيت رياييل
ضاوي وهو محاول تهدأت الوضع
يدووو تأخرنا قومي قومي..
ضاوي كان ضعيف وطووويل ويلبس نظارات لضعف نظره..كان وسيماًَ لكن لا يفوق جمال محمد وحمد..ومعروف بشلاته وصوته الشجي
بالسيارة..
حبابه:ياولدي شنو حاط لنا ..
ضاوي:يمه هذا راشد المايد..
حبابه:ولد منوو بعد
ضحك ضاوي
يمه شتبيني احط لج..
حبابه: والله صوتك احلى من هذا
ضاوي:قولي تبيني اشل لج
حبابه:اي صوتك مزيون
واخذ ضاوي يشل ليدته بصوته
الى ان وصلوا بيت ام محمد
ودخل ضاوي ويدته بيت ام محمد
ضاوي:هود هود
حبابه:ادخل ياوليدي بنات خالتك مهوب غريبات عنك..
ضاوي:بنات خالتي غدوا عروسات يمه شلون احدر..
ام محمد:حيا الله من جانا..
تفضلي عمتي وضاوي يلي ضويت قلب العايله..
ضاوي:شحالج خالو
ام محمد:يسرك حالي وهي ماسكه يد حبابه عشان يدخلون الميلس
تخاشمو الشباب وسلم ضاوي على البنات
ميثه وهي تستاسر ملاك:الله يعينا من حشرت شيماء لو عرفت ان ضاوي هني..
ضاوي وهو يسأل ميثه:الا شيماء ما يت معاكم
ميثه وهي تغايض ضاوي:لا مريضه ما يات
ابو حمد:اسم الله على بنتي ..مافيها عوق وتلصقيها
ضاوي:ليش دوم تغايضيني انتي
ميثه:يبه خربت الجو عليي
ضحك الكل على ميثه الا تحب تغايض الكل خصوصا ضاوي وشيماء..
ابو حمد:يأم محمد
ام محمد:سم ابو الشباب..
ابو حمد:يت العصر وحنا ما تغدينا..
ام محمد وهي تبتسم:طوعك
ميثه:يبه استح ..احنا زوار
حمد:شنو استح.. اخر عيالج اهو..يالله ضبي نفسج
ميثه:انا وابوي انت شكو
ابو حمد: ميثه هذا اخوج الكبير..احترمي كلامه
ميثه:انتوا ولا تحبوني ..من افتح ثمي سكتوني..
محمد:ياشين كلامج من يبا يسمعج
ملاك:بس كليتوا البنت..ماقالت شي
ضاوي:استحوا لو اكسرت مياديفكم الا كل واحد ومكبر راسه على بنت
ميثه وهي فاج ثمها:ياسلام على ضاوي..صج ضاوي
ضحك ضاوي:الله يالمصلحه

شيماء:انا بحدر اروح المطبخ اشرب ماي ..
نورة:سحبي كولا معاج..
شيماء:ماني ... تبين الكرش انتي..
نورة:شقالوا لج دبه..
شمياء:نورة انتي صاحيه؟؟؟متنتي وايد
قالت هالكلام وطلعت
نورة استفاقت لنفسها ووقفت للمرايا..
انا التهيت ببكاءي وقمت اكل بدون وعي..
حقاً اصبحت سمينه..عرفت الحين ليش امايي تبعد الاكل عني وتقول كثري من الرياضه
اممم انا غبيه نعم غبيه..كما تقول لي دائماً سلوى
سلوى كانت صديقه نورة ايام المدرسه..
الا ان سلوى تزوجت بشاب خارج البلد وسافرت معه وانقطعت اخبارها وكانت دائماً تقول لنورة انتي طفله غبيه..تاخذين الا تبينه وتتركين الكلام الباقي.. وماعندج ثقه بنفسج ابد
كانت تقول سلوى هالكلام مو كره بنورة بس لانها تقهرها احياناً .. او بالاصح غالباً
نعود لشيماء الي نزلت للمطبخ..
دخلت شيماء والا بدخوله وراها..
:فديت هالطول ..
شيماء سكتت شوي.. تبي تعرف هالصوت صوت رجالي.. لكن من..هالصوت من زمان ما سمعته.
اي اي عرفته وما دارت
:ليش القمر عاطيني ظهر
شيماء دارت:نعم
:بل بل يكلمونا من غير نفس..
شيماء :انا هني بروحي من الا يكلمونك..
ضحك ضاوي وظهروا غمازاتها
شيماء بداخلها ياويلي بيذبحني هالولد.. بمووووت
وهي طالعه مسكها من يدها
شيماء بعصبيه ممزوج بخجل
شل يدك عني.. لو احد يدخل علينا..
ضاوي:فديتج انتي خطيبتي ولا نسيتي
شيماء وبوادر الحزن على محياها:الحين خطيبتك..؟؟
ضاوي:سامحيني يالشيم ((كما يناديها دوماً يالشيم)) هالفترة مشغول وايد..وتعرفين محد لشركه ابوي
شيماء:وقت الا تكون فاضي تعرف تدق علي..خلني بظهر الحين..
ضاوي وهو يضغط على يد شيماء: ما بتركج لما القمر يرضى عليي
شيماء تبي تتدلع شوي:احنا ظهر وين القمر
فهم ضاوي انها تبي تدلع فحب يغايضها:صج صج وين القمر..الحين شمس
شيماء وهي ماده البوز:انت كله جيي
ضاوي:ياعلني ما انحرم منج يالغاليه..ياروح ضاوي انتي..احبج والله احبج
وهو يقول هالكلام الا حمد داخل..
حمد:احم احم نحن هنا..
شيماء تحاول تشيل يدها عن ضاوي
ضاوي يضغط اكثر: عسى بس توك ياي..؟؟
حمد وهو يطالع شيماء الا محترق ويهها:لا من كلمه لما القمر يرضى عليي
شيماء بخجل شديد:حمد قوله يشل يده عني ..ألمني..
حمد:والله انا مالي شغل.. خطيبج
شيماء والدموع بعينيها وحست ان مافي مفر من ضاوي..
شيماء:اتركني..المت يدي..
ضاوي:ما بشليها الا لما تبوسيها
شيماء وعيونها مليانه دموع:شوووووووو
حمد:انا بظهر انا عزوبي استحي
شيماء:لا حمد حمد حرام عليك لا تخليني بروحي ..
ضاوي:شنو لحالج وانا ما املي العين..
حمد وهو يضحك:الا تسد
شيماء قامت تصيح..كسر خاطره ضاوي وترك يدها
ضاوي والله متحلف فيج ..لما نتزوج ما اتركج
شيماء واهي تصيح: بعد الا سويته تبيني اتزوجك ما اباك ما اباك وطلعت وهي تبي تصيح من خاطر
شيماء بخاطرها..ليش يسوي فيني جييي ..ليش يحرجني ..وجدام حمد..ان ما رديتها لك ياضاوي ما اكون شيماء بنت وضاح الــ
.
ولنا عوده معــ البارتــ الثالثــ

[حبك طعجني]

تسلمي خيتوا على القصه الحلوه
ننتظر باقي القصه ............ياالله كمليها بسرعه

تحياااااااااتي

[حسونه الملعونه]

هاااي



وااااااااااااااااااااااو



روعه القصه طويله بس بصراحه روع جميله


سلمت اناملك علي النقل وننتظر باقي القصه



تحياتي......حسونه

[مدموزيل لافوشيا]

بسمه تعالىىى..

يسلمووو حبك على التواصل..

وحسونه مشكور على دخولك وتواصلك...


وان شاء الله راح احط البارت الا بعده قريب

[مدموزيل لافوشيا]

البارت الثالث

ضاوي ظل متلوم على الي سواه بشيماء خصوصا ان ما يحب يشوف دمعه شيماء وقام طرش لها مسج
((حياتي))
انا آسف
شافت شيماء المسج وغلقت جوالها..
نورة:شفيج شيماء ..
شيماء:مافيني شي قومي نروح للجماعه لان طولنا بغيابنا عنهم
نورة:يالله
دخلوا وضاوي ما شال عيونه عن شيماء..
ام محمد وهي تزقر الخدامات يحطون الغدا.. لان ابو حمد ما تركهم بحالهم كل شوي وقال اليوع هد حيلي .. واليوع ويوعان
وبعد الغداء جلسوا بالحديقه وكان الجو روعه..ندي.. لانه بدايه الشتاء..فكان بارد قليلاً
ملاك:خالو
ابو حمد:ياعيون خالو المركبه..
ملاك بدلع طبيعي:طلبتك
ابو حمد:عونج
حمد:فديت هالدلع..ياويلييييييي متى يتدلعون عليي
ملاك:من زمان مارحنا صوب المزرعه .. والله وحشتنا اليمعه هناك..
حمد:زين ما شارت بنت الغاليه
ملاك وهي تتدلع:وانا مب غاليه
محمد:يالله يالغيرة..حتى من امج تغارين
حبابه:حووو كليت ملاكي بميدافها..خلها..انتي الغاليه وريحه الغاليين
قربت ملاك من يدتها وباستها على خدها :والله انج فاهمتني يالحب
حمد:ياربي..بتذبحني هالبنت..دلع..جمال..كلشي كلشي
نورة وهي تناظر حمد وبعيونه اعجاب لملاك..واهي بتموت
شيماء:صج صج يبه خاطرنا نروح المزرعه على الاقل نغير جو
ميثه:لاااا يبه قلت بتسفرنا
شيماء:ميثوو الاجازة 3 اشهر
نظل اسبوع بالمزرعه ونسافر بعدين
الكل وافق على اقتراح ملاك وراي شيماء
ميثه واهي تتحرطم
دام هالدليعه اقترحت مستحيل يردوها بس لو انا
ضاوي:شعندج تتحرطمين
ميثه واهي تقوم:لا اقول زين زين ما شارت اختي
نورة وتحسها فرصه عشان تتقرب من حمد اكثر واكثر
متى عيل نروح قالت:
ملاك وهي مستانسه من خاطر:اليوم
ام محمد+محمد:ملاكووو واحنا وين راح راينا
ملاك:ادري ياحبايبي ما بترودن كلام ملاك
ام محمد:لا يالغاليه..نشوف متى بو حمد يقدر
حبابه:ابو حمد ماعنده شي..وكل شي تقوله ملاكي يصير
ملاك:فديتج يدوو
محمد:ما بتخربيها الا انتي من دلعج..
نورة احست انها ضاعت وان وجودها كعدمه..
اخذت تتسلل بهدوء لكن الوحيد الذي لحظها شيماء التي تحب نورة وايد..
لان نورة ترتاح لشيماء وايد وكل شي تقوله لشيماء وما تخش عنها شي الا حبها لحمد ما قلته لها بس شيماء كانت تحس بنظرات نورة لحمد فيها شي
ابو حمد:نشوف الشباب متى يكونوا فاضيين ونروح..
الكل اتفق ان الليله يردون بيوتهم ويشلون كل ما يحتاجونه وبكرا الظهر يروحون المرزعه..
..
بلندن..
خالد وهو بالطائرة عائداً للوطن..محد يدري غير اخوه محمد ..كان حاب يسويها مفاجأه
وقطعت عليها افكاره المضيفه تساله اذا كان يبي شي..
خالد:الله ياخذج .. قطعتي علي افكاري
المضيفه:
sorry sir
what do you say
خالد:
nothing
اعتذرت مرة اخرى وابتعدت عنه
خالد كان وسيم..عيون بنيه وابيض وشعره كلون عينيه البراقه وتعكس شكل الناظر اليه ..شكله ملفت ..خصوصاً انه يحب التانق ما يضيف على شكله جمالاً اكثر..
اعلنت الطائرة عن وصولها للديار..
خالد شال شنطته ونزل وطلع شاف اخوه حمد ينطره..
تحاضنو وسلم عليه
محمد:نورت الديرة يالغالي..بس لو تشوف الوالده ذبحتنا متى ايي خالد ومت اشوف خالد كأنها ماعندها ولد الا انت
خالد:اي ..بس انا ما نسيت انت متبناه
ضحك محمد:ويهك..اركب السيارة لا اروح عنك واخليك متورط
خالد:فديتك وهاك بوسه على احلى راس
محمد:شرايك تروح لرفيجك سعيد تبات عنده وبكرا لين راحوا الاهل المرزعه تفاجئهم هناك..
خالد:من بيروح المزرعه
محمد وهو يغمز لخالد: يهمك تعرف
خالد:عيل اروح وما ادري من بيروح
محمد:لو ما دريت ما بتروح
خالد:يبا ذليتيني على سؤال ومد يده يشغل اغنيه للان اخوه بيحشره بالاساله..
وساد الصمت..وكلاً من هام بخياله..
في اليوم الثاني
كان اول الواصلين عائله ابو حمد الظاهري
وضبوا اغراضهم بالغرف وخذت شيماء اختها مريم تلعبها يم البركه
وميثه انضمت لهم
وراح ابو حمد غرفته يرتاح شوي لان امس نامت معاه مريم وما تركته ترقد
ام حمد توفت يوم ولاده مريم.. لان كانت ولادتها صعبه وقالوا يا الطفل يعيش يا الام..
وتعبت اللام وايد الى ان اخذ البارئ روحها..
وانطلقت صيحه مريم مع انطلاقه روح ام حمد
وبعد ساعه وصلت عائله العامدي وضاوي مع يدته ((حبابه)) واليد الا ما يحب يظهر من البيت بس ضاوي لزم عليه
شمياء من شافت ضاوي حادر يمهم..
قالت لميثه باخذ مريم وبدخل داخل
ميثه:شو العشاق زعلانين
شيماء :مب شغلج
ودخلت داخل
ضاوي تغيرت الوانه من شاف حركه شيماء معناه انها للحين زعلانه من بس اهو ما سوا شي عشان تزعل منه هالكثر
فما طاع يروح لميثه..لان كان يبي يروح لشيماء
ميثه :ضاوي وين بتروح
ضاوي:بروح يم البحر شوي..شتبين
ميثه:بيي معاك
ضاوي:براحتج
وراحت ميثه مع ضاوي البحر ويلست تلعب بالرمل وهو يطالع البحر وشيماء تطالعهم بلكونه بيت المزرعه
شيماء:احبك ياضاوي بس انت حرجتني ..
دخلت عليها ملاك:الحلو يكلم منو
شيماء وهي معطيه ملاك ظهر:اكلم حالي..صرت مينونه..
ملاك : من قال ترا العقال يكلمون عمرهم اكثر من الميانيين..
وقربت من شيماء والهواء اخذ يطير شعر ملاك الطويل الي يوصل لنهايه ظهرها اليوم فالته ..بس امها ما ترضى تخليها تفله تخاف من العين.. لان الا يشوفه وخصوصا ان ملاك غاويه يشهق
كانت نورة بذاك الوقت رايحه تبي تنام بغرفه البنات.. امها ما طاعت تخليها بدار لحالها لان تعرف بنتها من تيلس بروحها تصيح..
نعود لمجيئ خالد
كان معه حمد الظاهري ولد خاله ومحمد اخوه
خالد: شعب..شعب..
سمعت ام محمد صوت خالد وظهرت بسرعه من الصاله الداخليه للصاله الثانيه
حضنت ولدها وتمت تصيح من خاطر..
ام محمد:جيي تسوي فينا شهر ما ترمسنا..هميتيني عليك
خالد وهو متلوم:فديتج امايي.. لا تصيحين..كاني يمج..
حبابه:والله ما تطلع من الديرة خلاص..
خالد:يمه عشانج بس ..
محمد ضحك:عشانها ولا عشان انك تخرجت وخلصت
ام محمد واهي تصيح:تخرج بعد ولا ندري بهواه احنا
خالد:يمه حبيت افاجأج والله ولج بوسه مني وقرب منها وباس راسها
ملاك سمعت حشرت اهلها وعرفت ان خالد وصل..
فنزلت بسرعه ودخلت وما لاحظت ان حمد كان معاهم..
نزلت من على الدري
كان اول من شافها حمد: طار عقله..كانت فاله الشعر الطويل ولابسه ابيض ..كانت غاويه..تطيح الطير من السما
ومضت هاللحظة بثوان وحس بالخجل شلون يطالع بنت خالته فنزل راسه مب عارف يقول شي
ملاك واهي تلوي على اخوها :ما احبك..توصل الديار واحنا ما ندري
محمد مسك يد اخته وسحبها واخته مب داريه شصاير
ودخلها داخل وعطها زهبه قووويه...لان ما كانت لابسه شيله وكان حمد معاهم واخذت تصيح وطلع عنها محمد
دخل لها خالد عشان يراضيها ويسلم عليهاا ويطيب خاطرها
ام محمد وحبابه:ما كانت تدري..خذيتها بمشراعها..
محمد وهو معصب:المفروض ما تنزل جيي ماتعرف السنع هالبنت..
حمد:آسف خالتي ..والله لو ادري ما دخلت مع خالد
محمد:انت مالك ذنب..اهيا الا تعرف
حبابه:ماعليه ماصار الا الخير قوم طيب بخاطر اختك
محمد:علها ما طاب خاطرها..انا بقوم اروح البركه اسبح شوي..اذا طلع خالد قوله يلحقني
طلعوا حمد ومحمد للبركه يسبحون
وحمد عقله من ذيك اللحظة طاير وعاد بذاكرته لــ 11 سنوات ورا
يوم كان عمر ملاك 6 سنوات وعمر حمد 12 سنه اول ما شاف ملاك
لان كان اهل ملاك يسكنون بلندن..لان ابو محمد وامه كانوا يدرسون بلندن ..فتزوجوا وعاشوا هناك وما ردوا الا عقب سنين
فكانت ملاك كله مع ابوها ..فكانت دلوعته
وحمد كان يكرهها لان كانت دليعه..
وتذكر موقف وابتسم بخاطره
كانت ملاك تلعب..بس ما كانت تلعب الا يم ابوها..دام ابوها مو موجود تظل ساكته وما تسوي شي
قرب منها حمد وقال لها تعالي بوريج سمكه كبيرة في البركه..
ما طاعت
فحاول يغريها ويقول لها السمكه ملونه وعندها جناحين
ملاك:اصلاًالسمك مافيه جناح
حمد بخبث طفولي:مو جيي ابيج تشوفين السمكه
ملاك: انزين ابا اشوفها
مسكها من يدها ووداها للبركه
وقال لها طالعي البركه..
فرفعت روحها تبي تطالعها..
فمسكها حمد يخوفها ويهددها ان يوم من الايام قال لها شي وما طاعته يغرقها بالبركه واهي خايفه وتصيح..
قال لها:انا بصير زوجج عشان اعذبج
واهي تصيح:ما اباك انت وحش..
حمد:اي انا الوحش لانج الاميرة
ملاك:اتركني شتبي مني..
حمد:ابي الخيل الابيض وانتي اخذي الخيل البني
ملاك:الابيض ..لااا ..اكرهك
حمد وهو يضغط عليها:انا الا احبج الحين وع..وبتهديد اقوى تبين تموتين؟؟!
ملاك:بس ما ابااااااااه ما ابااااااااه
محمد:حوووووووووو وين سرت
ما انتبه حمد ان محمد يكلمه..
فرش عليه الماي..
حمد:قطع الله بليسك خرستني..
محمد وهو يضحك:الا يشوفك ما بتدخل بالماي الحين..الا وين كنت اكلمك ساعه..
حمد:كنت براسي وين بكون بعد
في هاللحظة دخل عليهم خالد وضاوي ..
وظلوا البنات يسولفن مع يدتهم حبابه واهي تقول لهم سوالف الاول وكيف عيالها يوم يبون يتزوجون
وحدر عليهم ابو حمد يلس معاهم شوي ورد البيت لان وراه دوام .. ما اخذ اجازة عشان يقدر يسافر مع عياله
وبعدين تأخر الوقت وراحت الشياب ينامون وقالوا للبنات مافي سهر..
ملاك:شرايكم نطالع فلم..
ميثه:اوووووووف الدلوعه اقترحت الكل بيوافق
ملاك وهي مطلعه لسانها:لان اقتراحاتي ناجحه
ميثه:وع..ياشينها اقتراحات
ملاك:ابا اعرف ليش تكرهيني انتي..
ميثه وهي تلوي على ملاك..في احد يكره الملاك..فديت روحج انا
ملاك: فديت الا يتفداني
شيماء واهي توها يايه لانه كانت مع مريم..
شنو شنو طافني..
نورة:ماشي مهم
ملاك وميثه:كل شي نقوله مهم
نورة:بقوم انام احسن لي
ميثه:احسن يالنكديه
نورة طالعتها بنطرة ومشت عنها
ميثه:اونها تخرعني..بمووت من الخرعه..وضحكت
نورة:لو لي خاطر اهاوش هاوشتج مع هالويه
ملاك:تذكرت هزبه اخوها يوم تطلع على خالد بدون شيله وكان حمد موجود..فدمعت عيونها
شيماء:شفيها القمر بتصيح..
ملاك:ماشي..وتمت تصيح
ميثه وشيماء لوى عليها يهدأونها..
نورة :قالت تدلع عشان تاخذ الجو ..صج غيورة ومشت
كانت نورة تغار من ملاك وايد وايد..
ما تدري ان فرحه ملاك لن تدوم...
ونورة ستجرح جرح عميق..
وميثه؟؟
التي لا يدري احد عن هواها لخالد وخالد لا يدري بسماها
وضاوي الذي يموت بتراب شيماء..
وابو حمد لمتى بيظل بدون زواج..
حمد وملاك وحبهم
نورة وحب من طرف واحد
محمد؟؟ماحكايته
هل ستعود سلوى؟؟ما قصه سلوى مع هذه العائله
وابو محمد ؟؟ماذا سيحدث له؟؟هل سيعود؟؟
مالذي ستكشفه الايام..
لتطوي هذه القصه
رن تلفون شيماء معلن وصول مسج
((صباح الورد لاحلى ورده بحياتي))
شخبارج يالغاليه..
ما رسلت شيماء مسج..فدق عليها كم مرة فما طاعت ردت..
طرش مسج مرة ثانيه
((الحلو زعلان والله اراضيه لو بدم قلبي))
ودق على ميثه قال لها وين اهم اذا نايمين..قالت له ان اهم بالصاله فأتفق معاها عقب نص ساعه يمرهم..
فشغلوا لهم فلم يطالعوه..
والشباب ظلوا يم البحر يسولفون ويتذكرون ايام قبل ومغامراتهم ومروا عليهم بعض الشباب الا يعرفونهم ويسكنون يم المزرعه..فارتبشوا وصارت السهرة حلوة باليمعه
عقب نص ساعه دخل ضاوي وهو حامل باقه ورد وهديه صغيرة
ضاوي:هود هود
شيماء:اوف شيابه ضاوي
ميثه:ملاك قومي نروح المطبخ ندور شي ناكله
ملاك فهمت مقصد ميثه وقامت معاها
شيماء كانت بتقوم وراهم بس ناداها ضاوي فوقفت
ضاوي:ممكن الغاليه تيلس
شيماء:خير ياولد الخال
ضاوي:ليش جيي ما تكلميني من دون نفس
شيماء:لاني كارهتك
ضاوي:بس
شيماء:لا مو بس
ضاوي:ليش معصبه عليي
شيماء :اكرهك ضاوي اكرهك..
ضاوي وهو مقرب منها وبهدوء: بس انا احبج
ابوس التراب الا تمشين عليها..احب كلامج..احبج لين عصبتي..لين تضحكين
احب كل شي فيج
احب الدنيا لانج فيها ودمعت عينيه عشقاً
شيماء:خلصت كلامك..
ضاوي:ياليت الكلام يوفي الا بقلبي..
شيماء:الزبده بكلامك..
ضاوي وهو ماسك اعصابه:الزبده اني احبج وما ابيج تزعلين مني..ترا كل شي الا زعل الغاليين
شيماء وبهدوء:بس انت احرجتني جدام حمد
ضاوي:حقج علي ما اعودها
شيماء:انزين بتظل ماسك الهديه وما بتعطيني اياها
ضحك ضاوي وعرف انها تراضت ومب زعلانه
ضاوي:بس هالهديه مو لج
شيماء وهي منحرجه: عيل لمن..
ضاوي:لحبيبتي ...
شيماء وبخجل:ضاااووووووووي
ضاوي:ياعيونه
شيماء:بقوم زين
ضاوي:ويهج..زين ما شفتج بتمشين
شيماء:بعدين بتمل مني
ضاوي امل من دنيتي ولا منج
ميثه وملاك:بس بس لا تصدق عمرها شيماء
قوم خلاص ماعندنا رياييل يتمون عن البنات لحالهم
ضاوي:هذي حرمتيه
ملاك:لين تزوجتوا حرمتك..يالله حل عن سمانا
ضاوي:شيماء قولي شي ليش ساكته..
ابتسمت شيماء..
ميثه :شكراً على الهديه ومسكتها وعطت ملاك الباقه..
ضاوي ضحك وطلع
وهو طالع سمع شيماء تقول عطووووني اياهااااااا لا اذبحكم
ضحك وقال :ياحلوها
نعووود لنورة المغتاضه..
امسكت بدفترها لتحكي مشاعرها..
متى نحيا من دون الملاك
متى استيقظ ولا اسمع صوت ملاكهم..متى انام وانا لا اشعر بأني منبوذه بوجودها..متى احيا يومي وهي مدفونه بين اتربه الارض
هنا حست بوغزة بصدرها..وقالت هل اكرهها لهذه الدرجه..ما أقساني
لكن هي من جعلتني اكرهها
لقد سلبتني كل شيئ..سلبت حياتي ..
سلبت الجميع لها..
ابي ..كأنه ابيها فقط..اخواني.. كنت افرح دوماً عندما اراها تبكي..
كنت استمد قوتي من بكاءها والمها..
وشرعت نورة بالبكاء..
لماذا ياملاك سلبتيني كل شي..
كل شي لك..
ياربي حرمتني من جمال كالملاك..من شخصيه كالملاك..من حب كله لها..
وانا
لا لا ..انا حمد لي..سأحارب من اجله..لن اترك ملاك تأخذه مني..
واستسلمت حينها للنوم..
في الصباح..
البنات نمن بالصاله...
والشباب راحوا غرفهم رقدوا..
نزلت حبابه الصبح عشان تقول للخدامات يحطن الفطور
كانت ام محمد توعي البنات بالصاله
ملاك:حرام عليج يمه خليني انام
ام محمد:قومي الشمس بوسط السما وانتي تبيني تنامين
ملاك:وغلات ابوي خليني انام
ضحكت حبابه وهي داخله..
اذا بغلات ابو محمد عيل ما بتخليج ترقدين
ملاك :اي نسيت امي تكره ابوي على الا سواه
حز بنفسها ام محمد من كلامهم ومشت
قامت ملاك ولحقت امها
ولوت على امها:سوري يمه ما كان قصدي والله انتي الغاليه الا ازعل الدنيا كلها الا انتي
ام محمد:ماعليج يابنتي..روحي لبسي شيلتج لا يحدر محمد ويقتلج
ملاك:من عيوني يا ام خالد بس.. محمد ما بعترف فيه اخ بعد الا سواه فيني ..لو ابويي هني ما تجرأ
ام محمد:لو ابوج هني..بس ابوج مو اهني..قومي وعي نورة والبنات وروحي لخالد غرفته..
وعت البنات وراحت للغرفه عشان توعيها
نورة:شتبين يالسباله
ملاك وهي تضحك:انا ملاك مب الخدامه..
نورة:اي ادري..انتي السباله
ملاك ما خذت بكلام اختها لان تفكر انها تمزح
قومي امايي تبيني نفطر
نورة :ما ابا ..طلعي عني
ملاك وهي طالعه براحتج..باي
على الفطور طلبت حبابه يكون الفطور بره لان الجو حلوو فقالوا بيتفطرون بره
حبابه:حمد..انت متى ناوي تعرس ..ابي اشوف عيالكم قبل ما انطفي من هالدنيا..
حمد كان يشرب الشاي فأنسكب على ثيابه شوي
ملاك: بسم الله عليك..ليش يدوو قالت لك شي يخرع
ضحكوا على رمسه ملاك
حمد وجهه احمر:توني صغير يدوو
حبابه واهي تأشر بعصاته..
شنبات وتقول ياهل..ابيك شرات ضاوي حشرنا وهو صغير لما خذ الا يبيها
ضحك ضاوي:يمه عاد فضحتينا
ميثه:وانت يبي لك فضيحه..انت الا ذبحتنا على شيماء
حبابه:ها حمد أشر انت وكل البنات تحت طوعك
حمد:متأكد يدتي من رمستج
هني حدرت نورة عليهم وسلمت وقعدت..
حبابه:اكيد متأكده..شووو قالوا لك ..انا بنت عبد الله ..ها من بغيت...
حمد:انا ابي وحده وانتي تعرفيها..
الكل سكت ..يبي يشوفون من يقصد ..والكل كان يحس ان حمد في بالها وحده بس من ما يدرون ...
حبابه وهي شاقه ثمها:منووو
حمد:خدامه بيت خالووو
ضحك الجميع وعصبت حبابه..
ونورة تنفست الصعداء..وبداخلها..يعني ما يفكر بالملاك..
وهي ماتدري انه يموت في الملاك
حمد:يدووو
حبابه:هلا ولدي..
حمد:مب ناويه تخطبي لملاك..
صعق الجميع من سؤال
والملاك احست بقهر وتذكرت ايام طفولتها..وقالت بخاطرها للحين يكرهني..
حبابه:نورة اكبر من ملاك..لين تزوجت نورة نخطب ملاك..
نورة:يدوو عن هالرمسه البايخه
عيون الجميع على نورة..
ملاك:يدو مو بايخه :)
تدراكت نورة كلمتها:آسفه يدو.. مب قصدي والله
محمد سكت..لان يحب نورة وايد بس تضايق بخاطره من رمسه نورة
ميثه:صج انج ما تستحين
خالد:ماعليه ..لا تاخذون عليها
نورة بعصبيه:شنو مينونه ما ياخذون عليي
خالد:نورة ضبي لسانج لا اضبه لج بطراق يسكتج..لج عين تتكلمين
نورة:هذا انت توك ياي وتهدد بالطق
ملاك:خلاص نورة ماصار شي يالغاليه..وباست يدتها..يدووو انتي مب زعلانه صح
حبابه: محد يزعل من حشاشه يوفه
انتهت زوبعه نورة وغادر الجميع المائده
ميثه مع ام محمد خذوا مريم ورحن يلعبوها بالحديقه..
والشباب راحوا جلسوا مع يدتهم حبابه ويدهم الا ما يروم يتحرك الا بكرسيه المتحرك
شيماء راحت ترسم بغرفتها ونورة بالغرفه تكتب بدفترها الا صار اليوم
قعدت ملاك يم البحر تتأمل..تذكرت ابوها فاتصلت تكلمه..
ملاك: هلا يبه..
ابو محمد:ياهلا بهالصوت..ياهلا بحشاشه يوفي..بدلوعه بيت العامدي
ملاك:وحشتني يالغالي..وحشتني طلتك متى بتزونا ولا نسيتنا..
ابو محمد:انا انسى عيوني ..انسى الناس كلها ولا ملاكي
ملاك:آآآه يا يبه فديت الا يقول ملاكي..
قامت تسولف مع ابوها شوي واضطر يسكره لان زوجته الفلبينيه نادته
احم احم
ما لفت ملاك ظلت مكانها
ممكن اجلس حذالك
ما ردت
جلس حذالها
حلو الجو صح
ملاك:هيه
حمد:شراتج
ملاك:عفواً
حمد:قصدي شرات يوم جيناكم ذاك اليوم
ملاك وهي تلعب بالرمل
حمد:ملاك
ملاك:هلي
حمد:تذكرين ايام كنا صغار..كله نقعد يم البحر..
ملاك اهي تذكر بس قالت انها ما تذكر
حمد بخاطره:لهدرجه ما يهما وجودي..
ملاك:ليس سكت حمد..
حمد:افكر
ملاك:تفكر بشنو
حمد:بنورة
ملاك وبرد عفوي:تحبها
حمد حب يشوف رده فعل ملاك
مو بس احبها ..انا اموت بترابها..اتريا بس أشارة منها..نظرة..
اه لو تشوفين قلبي..
ملاك تحس كلامه سكاكين تطعن بقلبها
حست بألم فانطلقت من تأوه
حمد:شبلاج ملاك..
ملاك:ماشي..بس حسيت الم بصدري..حاولت تبعد الكلام عنها
انزين وليش ما صارحت نورة بحبك لها..
حمد:ودي..بس اخاف تردني..
ملاك:اها..يالله عن اذنك ومشت قبل ما تسمع رده ..
ونورة تراقب من بعيد جلوس حمد وملاك وقلبها يعتصر..وهناك حمد وملاك يعتصر قلبيهما ايضاً


واليد رد البيت لان ما يحب يطلع بره البيت وايد
وام محمد ظلت مع مريم تداريها وحست انها محتاجه لها ..محتاجه لصدر ام
وقررت تكلم اخوها عن موضوع
على العشا..
كان ابو حمد حاضر والجميع..
لوت مريم على ابوها:باباتي.
ابو حمد وهو يبوسها :ياعيون بابا
ام محمد:اخوي ابي ارمسك بموضوع بعد العشا
ابو حمد:برايج بالغاليه
نورة:حمد ..شرايك اليوم توديني توريني المزرعه..ما شفتها من وصلنا
حمد:على امرج
ملاك بخاطرها تقول:اي من حقك..حبيبتك ..آآه ياقلبي..لو يدري حمد بس
محمد:ملاكي
ملاك ما ردت عليه
محمد:زعلانه
ملاك:شنو تتوقع
ميثه:ملاك ما تزعل ..ادري بها..
ملاك:خالد شرايك اليوم نروح للخيول.. وحشني خيلي الابيض
طالعها حمد
ملاك:اي صج صج تذكرت الخيل الابيض مو ملكي
ضحك حمد قال بخاطره للحين تذكر
خالد:من عيوني يالغاليه..بنروح انا وانتي وميثه ومحمد
ميثه طارت من الفرح لما قال اسمها
اليده(حبابه):وانا اظل بريحاتي هني
شيماء:افا يدووو ..انا ما املي العين..
حبابه: الا تسدها
ضاوي :انا والشيم بنقعد معاج
شيماء:انا ويدو بنقعد مع بعض انت شكو
ضاوي:انا ريلج
ضحك الجميع
وبعد العشاء
ظهر الجميع للفروسيه يتسابقون..
وبعدين وصلوا بقعه كانت غاويه فقعدوا يسولفون..
محمد:ميثه شرايج بالمزرعه..
ميثه:
بخاطرها والله بوجود خالد روعه: حلوووة
ملاك:ياليت دوم حنا هني
محمد:اذا كل هني بنمل
ملاك:خلودي..قول لقوم الا حذالك اني ما اكلمهم
محمد:افا حتى اسمي ما بتقوليه
ملاك وهي مغتاضه:خلوددددددددددي
خالد وهو فار لمحمد:قوم الحلا ما يبونك وخر عنهم
فرها بحصى كان يمه
ملاك:غوووووووور
محمد:قد كلامج
ملاك:لا حبيبي مب قدها
محمد راح لوى على ملاك:فديت الطيبين والله
ملاك يعلني ما خلا منك..
خالد:احم احم نحن هنا
ميثه:اخوان ويغارون
ملاك:اي الا عنده اخت شراتي ليش ما يغارون
ضحكوا
نروووح للجانب الاخر..
لحمد ونورة
حمد:ها شرايج بالمزرعه
نورة:غاويه ..شراتك
حمد:شنووو
نورة وهي تتدارك الموضوع..قصدي احلى من قبل
نورة وهي تحاول تطلع موضوع عشان ما يردون بيت المزرعه..
وحمد تفكيره لملاك..شتسوي الحين.. ياحظ الا معاها..أأه لهدرجه احبها..دومني افكر فيها..بس ليش قلت لها احب نورة..ليش ما قلت لها احبها
والله احبج..احبج
قال كلمه احبج بصوت مسموع
نورة نزلت راسها وبخجل وابتسامه مخفيه:صج ياحمد
ما انتبه حمد يوم قال :هيه صج
نورة حست بالخجل وركضت لبيت المزرعه وهب فرحانه..الا طايرة
حمد:ياربي شقلت انا..شبتفكر..شبتقول...زعلانه!!تضايقت!!ياربي شسويت..دومني جيي ..
عفست دنيتي ..عفستها.. وحاول يلحق نورة بس اهي طافته وما يدري وين..
نورة تركض وخطفت على قوم حبابه
ضاوي:شفيها نورة تركض
ضحكت شيماء:مدري
حبابه وهي تنادي نورة
نوروووو نورووو
نورة:هلا يدووو
حبابه:شبلاج تركضين جنج خيله
ضحكوا ضاوي+شيماء
نورة:اليوم اسعد يوم بحياتي يدووووو
حبابه:فرحينا معاج
نورة:بتفرحين بتفرحين قالت جيي وهي طالعه لغرفتها
فتحت دفترها.. تكتب وتكتب الى ان غلبها النعاس..
تعتقدون نسيت ان ابو حمد وام محمد عندهم كلام..
في الميلس..
ابو حمد:طلبتيني يام محمد..
ام محمد:هيه ..ما بلف وبدور اهي كلمتين فكر فيها عدل
المرحومه ام حمد صار لها سنتين من توفت.. والبيت محتاج حرمه تداريك وتداري عيالك
ابو حمد:تعرفين رايي بهالموضوع..وما احب احد يفتحه..خلاص هذا الا انكتب علي
ام محمد:بس ..
ابو حمد وهو شال مريم:الا عندي قلته وظهر عنها
ام محمد:لا حول ولا قوة الا بالله
<<ظنكم ام محمد بتسنى الموضوع>>
طلع ابو حمد وهو مو متضايق لان يدري اذا ام محمد فتحت موضوع ما بتسكره الا لما يصير ..

[حبك طعجني]

سلاااااااااااااام
تسلمي خيتو
ننتظر البقيه ....


تحيااااااتي لك

[حسونه الملعونه]

هاااي



ننتضر تكلمت الموضوع

تحياتي
.......................

[مدموزيل لافوشيا]

ياهلااا حبك

وحسونه مع اني ما ادري اي موضوع بس يالله

تراها قصه مو موضوع ها


وتسلمون على تواصلكم

[مدموزيل لافوشيا]

البارت الرابع
شيماء:يبه يبه
ابو حمد:ياعيون يبه
تعال معانا ..والله من زمان ما سولف معاك
ابو حمد:شيمائي تعالي اباج
شيماء:يدوو اترخص عنج ابويا يباني
ضاوي:وانا ؟؟
شيماء طالعته بنظرة دلع ومشت
ضاوي:بتذبحني هالبنت

وماهي الا دقائق الا بعوده الجميع بأستثناء حمد..
ابو حمد:اليوم خالتج كلمتني
شيماء:انزين يبه
ابو حمد:تباني اتزوج
في البدايه تضايقت شيماء..بس اهيا اكبر من تكون انانيه..
شيماء:يبه..امنا دوم بتظل بقلوبنا..من حقك يبه انك تتزوج وتشوف حياتك..يبه احنا كل واحد بيعيش حياته..لازم انت تعيش حياتك..وحنا مب صغار
اذا على مريم..فأنا ربيتها من يوم واهي صغيرة صحيح ما بعوضها عن امايي بس حسبه امها..
ابو حمد:كاهو انتي قلتي انتي امها..يعني ماله داعي اتزوج
شيماء:يبه..طيع شورة خالتي..الزواج ستر لك..
ابو حمد:ظنج
شيماء:يبه توكل على الله
ابو حمد:مو الحين ..خلها عقب كمن سنه
شيماء: يبه لمتى..لما تعيز
ضحك الاب ومشى
شيماء وهي بصوت عالي..
انا الا بخطب لك..وبخاطرها تقول سامحيني يايمه
باليوم الثاني..
على الفطور الكل مجتمع ماعدا حمد..
لاحظ الجميع عدم وجود حمد..
اما نورة قالت يمكن حمد مستحي .. فما حطت في بالها وايد
ملاك قالت لامها تحس ان قلبها يعورها بتقوم تتمشى شوي..

راحت تمشي وتمشي..
وفتحت عيونها وهي خايفه..!!!
شنو شافت؟؟
ام محمد: ميثه وشيماء ابيكم بموضوع
ميثه:تفضلي خالوو
ام محمد:ميثه انا كلمت ابوكم بخصوص انه يتزوج

ميثه:شوووووووووو و تطالع ابوها :صج يبه؟؟؟
الاب نزل راسه
شيماء:قالت هيه صج وانا موافقه
ميثه:حرام عليكم..تبي تتزوج بحرمه عشان تعذبنا ..ليش يبه..شتبي بالزواج..انت كبرت شتبي شتبي واهي تصيح
حبابه:قطع لسانج..ابوج شقصوره
ميثه:ام محمد لو انتي مكان ابوي بتتزوجين.؟؟!! بعد ريلج
محمد:ميثه شتقولين انتي..امي على ذمه ريال
ميثه:اونه ريال..دوامه ريال وينه عنكم
ما وعت ميثه الا بكف من ابوها
ابو حمد:ما ربيت بنات يطولو لسانهم ..
ميثه واهي تصيح:هذي اولها وقامت عنهم
ابو حمد:سامحيني ياأم محمد على رمست ميثه
ام محمد:مسموح..تراها ما قالت شي غلط بحقي..تقول هالكلام وبخاطرها تصيح..
نورة تشاهد الموقف بصمت..
نورة دومها ما تحشر عمرها بلي يصير..
حياتها بروحها..
تعيش بحبها لحمد ..وبكره اختها ملاك
تسقي عروقها ومخيلاتها بحب حمد وكيف تبعد ملاك
خالد قام لان تضايق من كلام ميثه
وميثه راحت غرفتها تصيح لين ما تعبت ونامت واهي مب حاسه
نروووووووووح للي شافته ملاك..

بصوت خافت..حمد
حمد
قربت يمه وحطت راسها على صدر حمد تبي تشوفه يتنفس لو لااا..
الا محمد كان ياي
شاف هالموقف
الدنياااااااا تفتر براسه
ما حس الا اهو يسحب الملاك من ذراعها ويروح بيت المزرعه ويغسلها من الضرب..
كانت محاولات الكل ان يبعدونه عن ملاك بس كان يضرب ضرب مستمر الى ان انهارت وخرت من الضرب واغمى عليها
حملها خالد الى غرفتها وقعدت امها تقرأ عليها ايات لانها ظلت تصيح ..لين ما حست ان قلبها يدق بقوووووة
ونورة تحس بالانتصار..
اخيراً غسلوها بالضرب..
غسلوا قلبي بدم بارد على قلبي الا دومه يغلي
حمد كان نايم من التعب..بس قعد على صوت محمد وهو يصرخ على ملاك
خالد يسال محمد شصاير..محمد ما يطيع يقوله شي
وحمد متلوم من نفسه..شلون يكلم محمد الا مب راضي يعطيه ويه

...


شيماء تبي تكلم اختها وتبي تطيب خاطرها بس راحت لقت اختها نايمه
محمد ما يكلم حمد ..
وملاك تصيح الماً ..ماتدري ليش ..شنو السبب
في الليل هدأت ملاك شوي ونامت فطلعن عنها
ومحمد قال اكيد النذل حمد بيروح لها الحين يعتذر لازم اراقبها هالبنت
راح محمد غرفتها شافها نايمه ودار الموقف امامه واخذ يضربها لين ما تراخت عضلاته واهي تصرخ
ملاك:محمد ارحمني الله يرحمك..انا شسويت..حرام عليك
محمد:انتي حطيتي راسنا بالارض..وظل يضربها
نورة تسمع صراخ اختها واخذت تكتب وتكتب..على صوت الم اختها تسطر اعذب الكلمات لقلبها..تسجل حدثاً تتمناه كل يوم
الكل قعد على صوت ملاك وراحوا الغرفه
ام محمد ظلت تصيح جنب بنتها :حرام عليك قتلت بنتي ..قتلت وردتي
محمد:لو تموت ارحم..وسحبته شيماء واهي تصرخ..اطلع بره اطلع
محمد قرب من اخته ورمقه بنظرة احتقار ومشى
ملاك وبصوت مبحوح:يمه..بموووووت وسكتت
صرخت الام
محمد وقف من صرخه امه..
قال اختي..مريضه..اكيد ماتت..رد الموقف دار براسه وكمل مشيه
ظل الكل ملتف على ملاك..
الا يقول ماتت ماتت
والصراخ يدوي بالبيت
ضاوي اتصل بالاسعاف لان بيكون اسرع من ياخذونها بالسيارة
ونورة بغرفتها..شغلت اغنيه
واخذت ترقص على انغامها..
تغني..
ومسكت موسدتها تغني ترقص معاها..
ومسكت قلمها وكتبت بهالصفحه..
يااجمل ايامي..
هالاسبوع صارحني حمد بحبه لي..وملاك ضربها محمد وبرد قلبي المحترق..
وردت روحي يوم راحت روح الملاك..
كتبت هالكلمات..
وهي تضحك وترقص وتلعب بشعرها لعب على انغان الموسيقى

في المستشفى
الكل منتظر عند غرفه الطوارئ..
الدقائق تمر كأنها ساعات طوووويله..
اصبح كل شيئ مزعج في رواق هذا المستشفى..
الكل يبكي..
ومريم تصرخ لان منزعجه ..مو عارفه شصاير بس تشوف الكل يصيح فتصرخ متضايقه
فصار المكان موحش..
ام محمد وهي تهذي..تسمعون صوت دقات الساعه..هذي دقات قلب ملاك..ان وقفت فقلب بنتي بتوقف

[حبك طعجني]

سلااااااااام
تسلمي على القصه
وفي انتظار الباقي

تحياااااااتي