سنابسي
08-05-2006, 05:29 PM
واحد يحكي قصص جدته
المهم انا شفتهم وبقتهم والحين انقلها ليكم :D
المهم نبدي
بسم الله
...............................
كان في بلده يحكمها حاكم قاسي وظالم فرض على اهالي البلده منع التجول في الليل حتى القعده داخل البيت وتشغيل الانوار ممنوع . ( السهر يعني )
وفي ليله من اليالي كان الحاكم يتجول في البلده كالعاده ومر على بيت كانت الانوار مشغله فيه دخل البيت وهو معصب : ليش هالسوالف آخر الليل وليش مو نايمين الحين انتوا ماتدروا ان ممنوع السهر لهالوقت قالوا له اصحاب البيت ان في مرة تولد قال لهم طيب انا باخليكم الحين لكن اذا ولدت الولد باخده ويصير ولدي انا . ( تذكر الحاكم المقولة الي تنقال ان في ولد بينولد مكتوب على جبينه( لا غالب يغلب الله ولا على الله غالب ) بيقتله وبيتزوج بنته ) وبعد ان انولد الطفل فعلا كان مكتوب على جبينه ( لاغالب يغلب الله ولا على الله غالب ) فأخذ الولد عشان يربيه وتنازلوا اهله عنه لان اذا ماتنازلوا بيقتل أهل البلده .
رجع الحاكم بيته وعنده الولد وكان ناوي ( عنده نيه ) انه يقتل الولد لكن بعد ماجلس معاه شوي اخذته الشفقه عليه وقال مابقتله بس لازم اتخلص منه خطرت في باله فكره انه حط الولد في صندوق صغير وحط معاه حليبه عشان يشرب منه . وهده بحر ( تركه في البحر ) وظلت الامواج تطافح به ( يعني تتحرك وتاخذه بعيد ) حتى وصل هالصندوق جزيره ثانيه و شافها الناس وقالوا وش فيه هالصندوق مالينا ان ناخذه ونوديه الى الحاكم . لما فتح الحاكم صندوق لقى ولد صغير تفاجىء وقال للخدم انهم يسبحوه ويلبسوه ( يهتموا فيه ) وبعدين عاش الولد مع الحاكم لين ماكبر وصار رجل يعتمد عليه .
ومرت الايام والولد عايش مع ابوه ( الحاكم ) ولا يعرف الحقيقه لاهو ولا الحاكم ابوه .
ويوم من الأيام غزا البلده أعدائها ( وهو الحاكم اللي ترك الولد في البحر ) . وصارت المعركة بينهم ولما انتصر الولد شافه الحاكم العدو وشاف عليه ( لاغالب يغلب الله ولا على الله غالب )
وساله انت ولد من قاله انا ولد حاكم البلده قاله وين ابوك ابيه ضروري قاله طيب وأخذ الولد الحاكم ووداه الي ابوه ولما شافه سأل ابوه قولي انت من وين جبت هذا الولد ومنهو اهله قاله انا شفته من زمان في صندوق جنب البحر . بعدين الحاكم علم ابوه بالسالفه وقاله الحقيقه ولما عرف الولد الحقيقه أخذه معاه عشان يشوف اهله لكن الحاكم في قرارة نفسه يبغى يقتل الولد عشان لا يقتله هو ويتزوج بنته .
ولما التقى الولد مع اهله وشافوه وشافهم وجلس معاهم وسولفوا لين ماجى الليل وناموا وفي نص الليل ماشافوا الا الجيش هاجم عليهم وقامت المعركه بين الولد والحاكم الظالم وانتصر فيها الولد وقتل الحاكم وتزوج بنته وانتهى الظلم من البلده رجع الولد لابوه الحاكم للي رباه وقاله انا باجازيك لمعروفك ونبغاك تصير حاكم على بلادنا وانضمت البلدتين مع بعض وصاره دوله وحده يسودها الامان
والثانية في الحلقه القادمة :82:
المهم انا شفتهم وبقتهم والحين انقلها ليكم :D
المهم نبدي
بسم الله
...............................
كان في بلده يحكمها حاكم قاسي وظالم فرض على اهالي البلده منع التجول في الليل حتى القعده داخل البيت وتشغيل الانوار ممنوع . ( السهر يعني )
وفي ليله من اليالي كان الحاكم يتجول في البلده كالعاده ومر على بيت كانت الانوار مشغله فيه دخل البيت وهو معصب : ليش هالسوالف آخر الليل وليش مو نايمين الحين انتوا ماتدروا ان ممنوع السهر لهالوقت قالوا له اصحاب البيت ان في مرة تولد قال لهم طيب انا باخليكم الحين لكن اذا ولدت الولد باخده ويصير ولدي انا . ( تذكر الحاكم المقولة الي تنقال ان في ولد بينولد مكتوب على جبينه( لا غالب يغلب الله ولا على الله غالب ) بيقتله وبيتزوج بنته ) وبعد ان انولد الطفل فعلا كان مكتوب على جبينه ( لاغالب يغلب الله ولا على الله غالب ) فأخذ الولد عشان يربيه وتنازلوا اهله عنه لان اذا ماتنازلوا بيقتل أهل البلده .
رجع الحاكم بيته وعنده الولد وكان ناوي ( عنده نيه ) انه يقتل الولد لكن بعد ماجلس معاه شوي اخذته الشفقه عليه وقال مابقتله بس لازم اتخلص منه خطرت في باله فكره انه حط الولد في صندوق صغير وحط معاه حليبه عشان يشرب منه . وهده بحر ( تركه في البحر ) وظلت الامواج تطافح به ( يعني تتحرك وتاخذه بعيد ) حتى وصل هالصندوق جزيره ثانيه و شافها الناس وقالوا وش فيه هالصندوق مالينا ان ناخذه ونوديه الى الحاكم . لما فتح الحاكم صندوق لقى ولد صغير تفاجىء وقال للخدم انهم يسبحوه ويلبسوه ( يهتموا فيه ) وبعدين عاش الولد مع الحاكم لين ماكبر وصار رجل يعتمد عليه .
ومرت الايام والولد عايش مع ابوه ( الحاكم ) ولا يعرف الحقيقه لاهو ولا الحاكم ابوه .
ويوم من الأيام غزا البلده أعدائها ( وهو الحاكم اللي ترك الولد في البحر ) . وصارت المعركة بينهم ولما انتصر الولد شافه الحاكم العدو وشاف عليه ( لاغالب يغلب الله ولا على الله غالب )
وساله انت ولد من قاله انا ولد حاكم البلده قاله وين ابوك ابيه ضروري قاله طيب وأخذ الولد الحاكم ووداه الي ابوه ولما شافه سأل ابوه قولي انت من وين جبت هذا الولد ومنهو اهله قاله انا شفته من زمان في صندوق جنب البحر . بعدين الحاكم علم ابوه بالسالفه وقاله الحقيقه ولما عرف الولد الحقيقه أخذه معاه عشان يشوف اهله لكن الحاكم في قرارة نفسه يبغى يقتل الولد عشان لا يقتله هو ويتزوج بنته .
ولما التقى الولد مع اهله وشافوه وشافهم وجلس معاهم وسولفوا لين ماجى الليل وناموا وفي نص الليل ماشافوا الا الجيش هاجم عليهم وقامت المعركه بين الولد والحاكم الظالم وانتصر فيها الولد وقتل الحاكم وتزوج بنته وانتهى الظلم من البلده رجع الولد لابوه الحاكم للي رباه وقاله انا باجازيك لمعروفك ونبغاك تصير حاكم على بلادنا وانضمت البلدتين مع بعض وصاره دوله وحده يسودها الامان
والثانية في الحلقه القادمة :82: